ياقلب لاتشره على غلطة الغير
ولاتعاتب العالم على كل زله
الناس واجد والنشاما بهم خير
ومن عاف قربك يابيض الوجه خله
لو انت بالدنيا تذوق التعازير
أصبر وكافح بالزمن كل عله
ألحر ماياكل طعام العصافير
ويموت مايرضى لنفسه مذله
وانته ربيت بماكر للاساطير
ورقيت منهم للنجوم المطله
لاتنزعج لو جتك بعض التفاكير
اللي يعقد الحبل لازم يحله
والعمر فرصه والليالي مقادير
ورزقك على اللي خالق الكون كله
قل للشيوخ اللي تهز الطوابير
بعض الشيوخ يموت وهوبمحله
والموت ما خلى لنا قيس وزهير
ياليت بعض الناس عقله يدله
احدٍ يفكر كيف رد المخاسير
واحدٍ ولافكر يصحح سجله
دنيا تغير صاحي العقل تغيير
تمشي بنا من دون مذهب ومله
يالله عسى منها نشوف التباشير
والا نموت ولا نعيش بمذله
